Viðfangsefni: Ljóðagerð, náttúruskoðun
Aldur: Yngsta stig og miðstig.
Árstími: Allar árstíðir.
Námsgreinar: íslenska, listgreinar (myndlist) og náttúrufræði.
Tími: Að lágmarki 2 kennslustundir, fer eftir umfangi undirbúnings og úrvinnslu.
Umhverfi: Hvaða umhverfi sem er.
Gögn:
Upplestur á ljóði (sjá kennsluefni), blöð, klemmuspjöld, skriffæri og litir.
Markmið:
Að nemendur:
Stutt lýsing:
Nemendur yrkja ljóð frá eigin brjósti og teikna mynd þar sem umhverfið veitir þeim innblástur.
Framkvæmd:
Undirbúningur/kveikja: Kennari biður nemendur að loka augunum og hlusta á ljóðalestur. Kennari getur valið um að lesa ljóðið sjálfur eða spila upplesturinn af vef. Lesið er ljóðið Tilfinning efir Álfheiði Kristveigu Lárusdóttur fyrir nemendur. Í framhaldinu eru nemendur spurðir hvort þeir hafi séð fyrir sér og skynjað náttúruna sem skáldið var að yrkja um í ljóðinu. Nemendum er sagt að mörg íslensk skáld hafi í gegnum tíðina ort um náttúruna og nýtt sér hana til innblásturs. Nemendum er greint frá því að farið verði í stutta vettvangsferð þar sem þeir fái að spreyta sig í ljóðagerð.
Á vettvangi: Blöðum og skriffærum er dreift til nemenda. Nemendum er greint frá að nú eigi þeir að finna sér góðan stað til að setjast niður. Þegar allir hafa fundið sér góðan stað biður kennari nemendur um að sitja þögla og horfa vel í kringum sig (um það bil 3 mínútur). Því næst biður hann nemendur að loka augunum og hlusta vel (um það bil 3 mínútur). Að þessu loknu biður kennari nemendur að opna augun og reyna að yrkja ljóð um þessa upplifun sína. Einnig eru nemendur hvattir til að rissa upp mynd sem gæti átt við ljóðið. Mögulegt er að láta nemendur á yngsta stigi velja um að túlka upplifun sína á myndmáli eða ritmáli og koma þannig til móts við þá nemendur sem eiga erfitt með ritun.
Úrvinnsla og ígrundun: Umræða um reynslu nemenda. Kennari varpar fram spurningum eins og: Hvað sáuð þið? Hvað heyrðuð þið? Hvernig gekk að yrkja ljóðin? Var náttúran ykkur góður innblástur? Þá fá nemendur tækifæri til að hreinskrifa ljóðin og laga ef þörf er á. Einnig er unnin mynd í tengslum við ljóðin, út frá skissu nemenda. Kjörið er að fá myndlistarkennara í lið með sér í þessa vinnu. Að lokum les hver nemandi sitt ljóð fyrir samnemendur sína og kennara og sýnir þeim myndverkið.
Aldur: Yngsta stig og miðstig.
Árstími: Allar árstíðir.
Námsgreinar: íslenska, listgreinar (myndlist) og náttúrufræði.
Tími: Að lágmarki 2 kennslustundir, fer eftir umfangi undirbúnings og úrvinnslu.
Umhverfi: Hvaða umhverfi sem er.
Gögn:
Upplestur á ljóði (sjá kennsluefni), blöð, klemmuspjöld, skriffæri og litir.
Markmið:
Að nemendur:
- þjálfist í að yrkja ljóð frá eigin brjósti
- geti á einfaldan hátt tjáð upplifun og tilfinningar í myndverki
- átti sig á að náttúran geti veitt þeim innblástur til sköpunar
- þjálfist í að lesa eigin ljóð upphátt og hlusta á upplestur annarra
Stutt lýsing:
Nemendur yrkja ljóð frá eigin brjósti og teikna mynd þar sem umhverfið veitir þeim innblástur.
Framkvæmd:
Undirbúningur/kveikja: Kennari biður nemendur að loka augunum og hlusta á ljóðalestur. Kennari getur valið um að lesa ljóðið sjálfur eða spila upplesturinn af vef. Lesið er ljóðið Tilfinning efir Álfheiði Kristveigu Lárusdóttur fyrir nemendur. Í framhaldinu eru nemendur spurðir hvort þeir hafi séð fyrir sér og skynjað náttúruna sem skáldið var að yrkja um í ljóðinu. Nemendum er sagt að mörg íslensk skáld hafi í gegnum tíðina ort um náttúruna og nýtt sér hana til innblásturs. Nemendum er greint frá því að farið verði í stutta vettvangsferð þar sem þeir fái að spreyta sig í ljóðagerð.
Á vettvangi: Blöðum og skriffærum er dreift til nemenda. Nemendum er greint frá að nú eigi þeir að finna sér góðan stað til að setjast niður. Þegar allir hafa fundið sér góðan stað biður kennari nemendur um að sitja þögla og horfa vel í kringum sig (um það bil 3 mínútur). Því næst biður hann nemendur að loka augunum og hlusta vel (um það bil 3 mínútur). Að þessu loknu biður kennari nemendur að opna augun og reyna að yrkja ljóð um þessa upplifun sína. Einnig eru nemendur hvattir til að rissa upp mynd sem gæti átt við ljóðið. Mögulegt er að láta nemendur á yngsta stigi velja um að túlka upplifun sína á myndmáli eða ritmáli og koma þannig til móts við þá nemendur sem eiga erfitt með ritun.
Úrvinnsla og ígrundun: Umræða um reynslu nemenda. Kennari varpar fram spurningum eins og: Hvað sáuð þið? Hvað heyrðuð þið? Hvernig gekk að yrkja ljóðin? Var náttúran ykkur góður innblástur? Þá fá nemendur tækifæri til að hreinskrifa ljóðin og laga ef þörf er á. Einnig er unnin mynd í tengslum við ljóðin, út frá skissu nemenda. Kjörið er að fá myndlistarkennara í lið með sér í þessa vinnu. Að lokum les hver nemandi sitt ljóð fyrir samnemendur sína og kennara og sýnir þeim myndverkið.